جرمن سفیر بھی آلو والی بریانی کے شیدائی

[ad_1]

 جرمن سفیر کراچی کی بریانی کے دیوانے ہو گئے۔

سوشل میڈیا ذرائع کے مطابق پاکستان میں تعینات جرمنی کے سفیر برن ہارڈ شلیگ ہیک نے ٹوئٹ کیا جس میں انہوں نے برایانی کی تعریف کی۔

انہوں نے اپنے ٹوئٹ میں کہا کہ کراچی کی بریانی لاجواب ہے، نہایت لذیز۔

جرمن سفیر نے کہا کہ مجھے اپنے ساتھیوں کے ساتھ لنچ میں بریانی کھانے کا موقع ملا جو کہ بہت مزیدار تھی۔

انہوں نے بریانی کے حوالے سے بات کرتے ہوئے مزید کہا کہ عمدہ ذائقہ اور خوشبو ! مجھے خاص طور پر اس میں آلو کا استعمال اچھا لگا۔

جرمن سفیر نےٹوئٹ میں سوالیہ اندازاپناتے ہوئے کہا کہ آپ کو بریانی آلو کے ساتھ پسند ہے یا بغیر آلو کے؟

اس سے قبل جرمن سفیر اندرون لاہور کی ثقافت کے دیوانے نکلے، تاریخی و ثقافتی شہر کی سیر کے دوران پہلی مرتبہ ذائقے دار مقامی کھانے بھی کھائے تھے۔ ۔

جرمن سفیر کو اندرون لاہور کی ثقافت نے حیران کردیا تھا پہلی بار ذائقہ دار آلو والے نان اور نان خطائی بھی کھائی تھی۔

انہوں نے اپنے دورہ لاہور کی تصاویر سماجی را بطے کی ویب سائٹ ٹوئٹر پر بھی شئیر کی اور پوری دنیا کو لاہور کا اندرون شہر اور اس کی تاریخی ثقافت کی سیر کروائی۔

انہوں نے مختلف مقامات کی تصاویر پوسٹ کرتے ہوئے اردواور انگریزی دونوں زبانوں میں پیغام لکھا تھا کہ مغل دور کی عظیم وزیرخان مسجد کی خوبصورتی سے بہت متاثر ہوا ہوں، پہلی بار خطائی اور آلو والے نان کھانے کا موقع ملا، دونوں بہت ذائقہ دار تھے۔

جرمن سفیرنے اس توقع کا بھی اظہار کیا تھا کہ پاکستان میں مزید خوبصورت مقامات کی سیر کا موقع ملے گا۔

واضح رہےکہ پاکستان میں جرمنی کے سابق سفیر مارٹن کوبلر بھی عوام میں بے پناہ مقبول تھے۔

وہ ملک اور شہریوں کو قریب سے دیکھنے اور ان سے ملنے کا کوئی بھی موقع ضائع نہیں کرتے تھے۔

مارٹن کوبلر نے پاکستان میں اپنے قیام کے دوران لاتعداد دوست بھی بنائے، خوبصورت یادیں اور کچھ یادگاری اشیا وہ اپنے ہمراہ جاتے ہوئے جرمنی لے گئے تھے۔



[ad_2]

Supply hyperlink

Updated: اپریل 1, 2021 — 1:16 شام

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

BFT News © 2022 Frontier Theme