مسئلہ کشمیر کے حل میں تمام دوست ممالک کردار ادا کر رہے ہیں ،ترجمان دفترخارجہ – بول نیوز

[ad_1]

ترجمان دفترخارجہ زاہد حفیظ چوہدری نے کہا ہے کہ مسئلہ کشمیر کے حل میں تمام دوست ممالک کردار ادا کر رہے ہیں۔

تفصیلات کے مطابق ترجمان دفترخارجہ زاہد حفیظ چوہدری نے بول نیوز کے پروگرام نیشنل ڈیبیٹ میں گفتگو کرتے ہوئے کہا کہ پاکستان بھارت سمیت ہمسایہ ممالک کے ساتھ بہترتعلقات چاہتا ہے لیکن بھارت نے کورونا سے نمٹنے کیلئے پاکستانی پیشکش کا جواب نہیں دیا۔

ترجمان دفترخارجہ نے کہا کہ مسئلہ کشمیر پر پاکستان کاموقف کبھی تبدیل نہیں ہوا، بھارت کشمیر پر ہمیشہ اپنا موقف تبدیل کرتارہا ہے۔ بھارت سے کشمیر پر نتیجہ خیز مذاکرات چاہتے ہیں، تمام متنازع مسائل بات چیت کے ذریعے ہی حل ہوسکتے ہیں۔

زاہدحفیظ چوہدری نے یہ بھی کہا کہ بہتر تعلقات کیلئے مسئلہ کشمیر کا حل ضروری ہے، مذاکرات کیلئے سازگار ماحول پیدا کرنا بھارت کی ذمہ داری ہے۔

ترجمان دفترخارجہ کا کہنا تھا کہ پاکستان نے دنیا کو بتایا وہ اپنے دفاع کیلئے تیارہے،5اگست کے بھارتی اقدام سے ماحول خراب ہوا، بھارتی پائلٹ کوجذبہ خیرسگالی کے تحت چھوڑا گیا۔

 زاہدحفیظ چوہدری کا یہ بھی کہنا تھا کہ 1988میں پاکستان نے سب سے پہلے فلسطین کوریاست تسلیم کیا، پاکستان نے ہمیشہ فلسطینی بہن بھائیوں کی مدد کی اور پاکستان اپنے قیام سے فلسطینیوں کی حمایت کرتا آیا ہے۔

ترجمان دفترخارجہ نے کہا کہ فلسطین میں انسانی حقوق کی خلاف ورزی ہورہی ہے، پاکستان جنگ بندی کی حمایت کرتا ہے لیکن یہ کافی نہیں ہے۔

زاہدحفیظ چوہدری نے یہ بھی کہا کہ فلسطین پرحملوں سےمتعلق اسرائیل کااحتساب کیاجائے، مسئلے کاواحد حل ایک آزاد فلسطینی ریاست ہے۔

ترجمان دفترخارجہ زاہدحفیظ چوہدری نے مزید کہا کہ پاکستان پر اسرائیل کو تسلیم کرنے کاکوئی دباؤ نہیں ہےکسی بھی سطح پراسرائیل کوتسلیم کرنے کا معاملہ زیر غور نہیں ہے۔


Double Click 970 x 90

[ad_2]

Source link

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

BFT News © 2022 Frontier Theme