عید کے دن کشمیری عوام کی جدوجہد کو کسی صورت نہیں بھلا سکتے، آرمی چیف

[ad_1]

آرمی چیف جنرل قمر جاوید باجوہ نے کہا ہے کہ  عید کے دن بہادر کشمیری عوام کی جدوجہد کو کسی صورت نہیں بھلا سکتے ۔

پاک فوج کے شعبہ تعلقات عامہ (آئی ایس پی آر )کے مطابق  آرمی چیف جنرل قمر جاوید باجوہ نے لائن آف کنٹرول کا دورہ کیا اور  اگلے مورچوں پر تعینات جوانوں کے ساتھ عید منائی۔

ایل او سی پہنچنے پر کورکمانڈر راولپنڈی لیفٹیننٹ جنرل اظہر عباس نے آرمی چیف کا استقبال کیا۔

آرمی چیف نے عید کی نماز لائن آف کنٹرول پر تعینات فوجی دستوں کے ساتھ ادا کیاور پاکستان کے امن و خوشحالی کے لیے دعا  کی۔

جنرل قمر جاوید باجوہ نے   فوجی دستوں کےعزم اور آپریشنل تیاریوں کو سراہتے ہوئے کہا کہ  پاک فوج قوم کی توقعات پر پورا اترنے کے لیے ہر اقدام اٹھائے گی۔

انہوں نے مزید کہا کہ  اب وقت آ گیا ہے  کہ انسانی المیے، مسئلہ کشمیر کا حل اقوام متحدہ کی قراردادوں اور کشمیریوں کی امنگوں کے مطابق ہو۔

آرمی چیف کا کہنا تھا کہ  عیدالفطرکے پرمسرت موقع پرکشمیریوں کی قربانیوں کوفراموش نہیں کرناچاہیے۔

جنرل قمر جاوید باجوہ نے سول انتظامیہ  کے کورونا وباء  کے خاتمے کے لیے تعاون کی  تعریف کرتے ہوئے وباءکے خاتمے کے لیے ہر ممکن احتیاط کرنے کی ضرورت پر زور دیا۔

انہوں نے کہا کہ   پاکستان کے عوام کی سلامتی اور بہتری پاک فوج کی اولین ترجیح ہے۔ پاک فوج قوم کی توقعات پر پورا اترے گی۔

آرمی چیف نے شہداء کی قربانیوں کو خراج تحسین پیش  کرتے ہوئے کہا کہ ہمیں بحیثیت سپاہی فرنٹ لائن پر دفاع وطن کے لیے خدمات سرانجام دینے پر فخر ہے۔


Double Click 970 x 90

[ad_2]

Source link

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

BFT News © 2022 Frontier Theme