مسجد اقصیٰ پر حملے مسلمانوں کی غیرت ایمانی کو کھلا چیلنج ہے ،سراج الحق

[ad_1]

امیر جماعت اسلامی سراج الحق نے کہا ہے کہ مسجد اقصیٰ پر حملے پونے دو ارب مسلمانوں کی غیرت ایمانی کو کھلا چیلنج ہے۔

تفصیلات کے مطابق امیر جماعت اسلامی سراج الحق نے اپنے ایک بیان میں کہا کہ اسلامی دنیا کے حکمران متحد ہو کر فلسطین و کشمیر کی آزادی کا روڈ میپ دیں۔

انہوں نے کہا کہ سیز فائر کے باوجود اقصیٰ میں شیلنگ سے ثابت ہوگیا کہ اسرائیل فاشسٹ اور ناجائز ریاست ہے۔

 سراج الحق نے یہ بھی کہا کہ مودی اور نیتن یاہو مسلمانوں کی نسل کشی میں مصروف ہیں ،پاکستان دونوں پر جنگی جرائم کا کیس چلائے۔

امیر جماعت اسلامی کا کہنا تھا کہ غزہ کی تعمیر کے لئے عالمی فنڈ قائم نہ کیا گیا تو انسانیت ایک اور بڑے المیے سے گزرے گی۔

انہوں نے کہا کہ جماعت اسلامی پاکستان میں اسلامی انقلاب لانے کے لئے جدوجہد کر رہی ہے  اور ہماری سیاست کا مقصد فرد کے ذریعے معاشرے کی اصلاح ہے ۔

امیر جماعت اسلامی سراج الحق کا مزید کہنا تھا کہ جماعت اسلامی کے اراکین و کارکنان گلی گلی کوچہ کوچہ قرآن و سنت کا پیغام پہنچائیں۔


Double Click 970 x 90

[ad_2]

Source link

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

BFT News © 2022 Frontier Theme