سی پیک پاک چین دوستی کی گواہی ہے، وزیراعظم – بول نیوز

[ad_1]

وزیراعظم عمران خان نے کہا ہے کہ سی پیک پاک چین دوستی کی گواہی ہے۔

تفصیلات کے مطابق وزیر اعظم عمران خان کی سربراہی میں سی پیک منصوبوں کے جائزہ پر اعلی سطح اجلاس ہوا جس میں سی پیک منصوبوں پر بریفنگ دی گئی۔

اجلاس میں وزیر اعظم کو بریفنگ دیتے ہوئے بتایا گیا کہ موجودہ حکومت نے ڈھائی سال میں اہم منصوبے مکمل کئے جبکہ انفراسٹرکچر سے متعلق بھی بہت سے منصوبے مکمل کئے۔

بریفنگ دیتے ہوئے مزید کہا گیا کہ رشکئی، علامہ اقبال انڈسٹریل زون سمیت اسپیشل اکنامک زونز میں مقامی اور عالمی سرمایہ کار دلچسپی دکھا رہے ہیں جبکہ چین زراعت اور لائیو اسٹاک کے شعبے میں بھی تعاون بڑھا رہے ہے۔

اجلاس کی صدارت کرتے ہوئے وزیراعظم عمران خان نے سی پیک کے جاری منصوبوں پر اطمینان کا اظہار کیا۔

وزیراعظم نے کہا کہ سی پیک کو ہر قیمت پر مکمل کیا جائے گا، پاکستان اور چین کے تعلقات گہرے ہے اور یہ منصوبہ اہمیت کا حامل ہے۔

عمران خان نے یہ بھی کہا کہ صنعتوں کا فوکس برآمدات پر مبنی ہونا چاہیے، ہمارا فوکس درآمدات کا متبادل اور پالسیاں اسی کے مطابق ہوں۔

وزیراعظم عمران خان نے مزید کہا کہ نوجوان نسل کو ملازمتوں کے لئے تیار کیا جائے، آنے والی صنعتوں اور ہائی کوالٹی زرعی فارمز سے ملازمتیں پیدا ہوں گی۔

 وزیر اعظم کی زیر صدارت اجلاس میں آرمی چیف جنرل قمر جاوید باجوہ ، وزیرخارجہ ، وزیرخزانہ، وزیر صنعت ، وزیر منصوبہ بندی اور چیئرمین سی پیک اتھارٹی جنرل ر عاصم باجوہ نے شرکت کی۔

[ad_2]

Source link

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

BFT News © 2022 Frontier Theme