بارشوں کا خطرناک اسپیل پاکستان میں داخل ہونے کو تیار، شہری ہوشیار ہوجائیں

[ad_1]

محکمہ موسمیات نے اگلے 5 روز میں ملک میں بارشوں کی پیشگوئی کردی ہے۔

محکمہ موسمیات کے مطابق ملک میں 4 اپریل سے 8 اپریل تک بارشوں کا سلسلہ جاری رہے گا، بارشوں کا ایک سلسلہ کل رات سے پاکستان پر اثر انداز ہوجائے گا اور کل شام یا رات سے ملک کے بیشتر علاقوں میں بارشیں شروع ہوجائیں گی۔

محکمہ موسمیات کے مطابق بارشوں کا یہ سلسلہ پاکستان میں داخل ہونےکے بعد ملک کے بیشترعلاقوں میں شدید موسمی صورتحال متوقع ہے۔

محکمہ موسمیات کے مطابق بحیرۂ عرب سے تیز ہوائیں پاکستان کو اپنی لپیٹ میں لے لیں گی، اس وقت سندھ کے مختلف جنوبی علاقہ جات میں سمندری ہوائیں شروع ہوچکی ہیں، سمندری ہواؤں کا یہ سلسلہ پاکستان کے مختلف علاقوں تک پھیل جائے گا جس کی وجہ سے نمی بڑھنا شروع ہوجائے گی۔

دوسری جانب بارشوں کا سلسلہ کل خیبرپختونخوا کے بالائی علاقوں باالخصوص گلگت بلتستان اور کشمیر میں بارش کا باعث بنے گا۔

سوموار سے بارشوں کا یہ سلسلہ خطہ پوٹھوہار تک پھیل جائے گا اور منگل سے جمعرات کے دوران یہ اپنی شدت پر ہوگا، اس دوران ملک کے بیشتر علاقوں میں بارشوں کے امکانات ہیں جس میں جنوبی علاقے بھی شامل ہیں۔

اس دوران بالائی خیبرپختونخوا خصوصاً مالاکنڈ، ہزارہ ڈویژن اور کشمیر میں بارش کے امکانات ہیں۔

اس کے علاوہ محکمہ موسمیات نے کوئٹہ، سبی، ژوب، خضدار، بارکھان، نصیر آباد اور ملحقہ علاقوں میں بارشوں کی پیشگوئی کی ہے۔

بلوچستان کے دیگر علاقوں میں تیز ہوائیں چلنے کی توقع کی جارہی ہے جبکہ شمال مشرقی علاقوں میں بارش کے امکانات ہیں، سندھ میں اس دوران چند مقامات پر بارش کے امکانات ہیں جس میں لاڑکانہ، دادو اور ملحقہ علاقے شامل ہیں۔

دوسری جانب پنجاب، خیبرپختونخوا اور کشمیر میں بھی کہیں کہیں بارشیں متوقع ہیں تاہم بارشوں کا سلسلہ ملک کے بالائی اور وسطی علاقوں میں زیادہ اثر انداز ہوگا جہاں آندھی، ژالہ باری اور شدید موسمی حالات کی توقع کی جارہی ہے۔

اس دوران خیبرپختونخوا میں مالاکنڈ، ہزارہ ڈویژن، ایبٹ آباد، مانسہرہ، دیر، سوات، شانگلہ، بونیر، کوہستان، پشاور، کوہاٹ، بنوں اور ملحقہ علاقوں میں بارشوں کے امکانات ہیں۔

محکمہ موسمیات نے مالاکنڈ، ہزارہ ڈویژن میں موسلا دھار بارشوں کی پیشگوئی کی ہے جہاں ژالہ باری، آندھی اور گرج چمک دیکھنے کو ملے گی۔

صرف یہی نہیں بلکہ پنجاب کے بالائی علاقوں میں نسبتاً اچھی بارش کے امکانات ہیں۔ اسلام آباد، راولپنڈی، گوجرانوالہ ڈویژن، سرگودھا اور فیصل آباد ڈویژن میں بارش کی توقع کی جارہی ہے تاہم اس دوران دیگر علاقہ جات میں ملتان ڈویژن، ڈیرہ غازی خان ڈویژن، بہاولپور ڈویژن، ساہیوال ڈویژن اور ملحقہ تمام تر علاقوں میں ہلکی بارشوں کے امکانات ہیں۔

محکمہ موسمیات نے بتایا کہ اکثرعلاقوں میں آندھی چلے گی اور ژالہ باری ہوگی جبکہ کشمیر کے دیگر علاقوں میں بھی بارشوں کے امکانات ہیں، یہ صورتحال جمعرات تک ملک کے بیشتر علاقوں میں متوقع ہے اور ملک کے بیشتر علاقوں میں توقع کی جارہی ہے۔

[ad_2]

Source link

Updated: اپریل 4, 2021 — 12:43 صبح

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

BFT News © 2022 Frontier Theme