اپوزیشن کی 8 جماعتوں کا سینیٹ میں الگ گروپ تشکیل دینے کا فیصلہ

[ad_1]

اپوزیشن اتحاد پاکستان ڈیموکریٹک موومنٹ (پی ڈی ایم) میں شامل اپوزیشن کی 8 جماعتوں نے سینیٹ میں الگ گروپ تشکیل دینے کا فیصلہ کرلیا ہے۔

تفصیلات کے مطابق اپوزیشن کی 8 جماعتیں سینیٹ میں آزاد حیثیت سے بیٹھیں گی، ان جماعتوں کے پارلیمانی لیڈران چیئرمین سینیٹ کو آزاد حیثیت سے بیٹھنے کی درخواست دیں گے۔

اپوزیشں کی آٹھ جماعتوں نے آئندہ کی حکمت عملی پر مشاورت کرتے ہوئے یوسف رضا گیلانی کو اپوزیشن لیڈر تسلیم کرنے سے انکار کردیا ہے۔

اجلاس کے دوران پیپلز پارٹی اور اے این پی پی ڈی ایم کے مشترکہ مقاصد کو ٹھیس پہنچانے کے ذمہ دار قرار دیے گئے ہیں۔

اجلاس میں اپوزیشن جماعتوں نے پیپلز پارٹی اور اے این پی کو شوکاز نوٹس بھجوانے کا فیصلہ کیا ہے۔

 اجلاس میں اتفاق کیا گیا کہ بی اے پی سے ووٹ لینے کا معاملہ صدر پی ڈی ایم کو بھجوایا جائے اور پی ڈی ایم سربراہ وضاحت طلب کریں کہ دونوں جماعتوں نے اصولوں اور فیصلوں کی خلاف ورزی کیوں کی؟

اجلاس میں آٹھ جماعتوں نے رائے قائم کرتے ہوئے کہا کہ پی ڈی ای کے متفقہ فیصلے سب جماعتوں کو تسلیم کرنا ہونگے۔

[ad_2]

Source link

Updated: اپریل 3, 2021 — 4:20 صبح

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

BFT News © 2022 Frontier Theme