وفاقی وزرائے مملکت کی قوم کو عید کی مبارکباد

[ad_1]

وزیر خارجہ شاہ محمود قریشی اور وزیر داخلہ شیخ رشید احمد نے قوم کو عید کی مبارکباد پیش کی ہے۔

ملتان میں نماز عید الفطر کے بعدمیڈیا سے غیر رسمی گفتگو کرتے ہوئے   وزیر خارجہ شاہ محمود قریشی نے دعا کی کہ   اللہ تعالی پاکستان کو کورونا وباء سے محفوظ فرمائے۔اگلے دو ہفتے آزمائش کے ہیں قوم احتیاط کرے۔

شاہ محمود قریشی نے کہا کہ قبلہ اول پر ظالمانہ کارروائی کرکے مسجد اقصیٰ  میں لوگوں کو شہید کیا گیا، غزہ میں بھی بم باری ہو رہی ہے۔

انہوں نے بتایا کہ  کل رات وزیراعظم عمران خان کی ترکی کے صدر سے اس پورے ماحول پر گفتگو ہوئی ہے۔  وزیراعظم کی اس حوالے سے سعودی ولی عہد سے  بھی بات ہوئی تھی۔

وزیر خارجہ نے کہا کہ وزیراعظم کی ہدایت پر آج  ترک وزیر خارجہ سے مسئلہ فلسطین پر بات کروں گا۔ مسئلہ فلسطین پر پاکستان اور ترکی اقوام متحدہ اور او آئی سی کے اجلاس طلب کرنے کا مطالبہ کر رہے ہیں۔

شاہ محمود قریشی نے مزید کہا ہم سمجھتے ہیں کہ پوری دنیا کو مسئلہ فلسطین پر سوچ کر آگے بڑھنا ہوگا۔

کشمیر سے متعلق ان کا کہنا تھا کہ   مقبوضہ کشمیر میں ڈبل لاک ڈاؤن ہے ،ایک کورونا کا دوسرا ملٹری کا۔

دوسری جانب راولپنڈی میں لال حویلی کے باہر میڈیا سے گفتگوکرتے ہوئے وزیر داخلہ شیخ رشید احمد کا کہنا تھا    اس بار عید خاص ہے ، میں وزیر اعظم کے ہمراہ  سعودی عرب گیا تھا۔

شیخ رشید نے کہا کہ  کشمیر اور فلسطین آزاد ہوگا،اگر کورونا کا مسئلہ نہ ہوتا تو فلسطینیوں سے حمایت کے لیے باہر نکلتے۔

انہوں نے کہا کہ   سعودی عرب سے معمولی جرائم  کے قیدیوں کو پاکستان لارہے ہیں۔ایک ارب روپے ہوں تو سینکڑوں قیدی واپس لائے جاسکتے ہیں۔


Double Click 970 x 90

[ad_2]

Source link

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

BFT News © 2022 Frontier Theme