پی ایچ ڈی ہولڈرز کیلئے بڑی خوشخبری

[ad_1]

سندھ ہائی کورٹ نے تمام  پی ایچ ڈی ہولڈرز سرکاری ملازمین کو ماہانہ 25 ہزار روپے الاؤنس دینے کا حکم دے دیا ہے۔

تفصیلات کے مطابق سندھ ہائی کورٹ نے  ڈاکٹر لیاقت علی ابڑو کی درخواست پر فیصلے میں کہا کہ چیف سیکریٹری 15 دن میں سمری وزیراعلیٰ سندھ کو ارسال کریں۔

عدالت میں درخواست گزار کا کہنا تھا کہ پی ایچ ڈی ہولڈرز میں کسی کو 25 ہزار تو کسی کو 10 ہزار دیے جارہے ہیں، جس پر عدالت نے حکم دیا کہ تمام سرکاری پی ایچ ڈی افسران کو ماہانہ 25 ہزار روپے الاؤنس دیا جائے گا اور کسی محکمے کے پی ایچ ڈی ہولڈرز کے ساتھ امتیازی سلوک نہ کیا جائے، تمام محکموں کے  افسران کو یکساں الاونس دیا جائے گا۔

عدالت میں سندھ حکومت نے موقف اختیار کیا کہ  صرف یونیورسٹیز میں پی ایچ ڈی ہولڈرز کو 25 ہزار روپے الاؤنس دیا جارہا ہے، دیگر سرکاری پی ایچ ڈی ہولڈرز  کو 10 ہزار روپے ماہانہ دیے جاتے ہیں، جس پر سندھ ہائی کورٹ نے  کہا کہ  ایسا امتیازی سلوک کیوں کیا جا رہا ہے؟

سندھ ہائی کورٹ نے حکم پر عمل درآمد کروا کر رپورٹ  پیش کرنے کی ہدایت کردی ہے۔


Double Click 970 x 90

[ad_2]

Source link

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

BFT News © 2022 Frontier Theme