بجلی کے مہنگے منصوبوں سے حکمران کمیشن بناتے رہے، عمران خان

[ad_1]

وزیر اعظم عمران خان نے کہا ہے کہ بجلی کے مہنگے منصوبوں سے حکمران کمیشن بناتے رہے ہیں۔

تفصیلات کے مطابق وزیر اعظم عمران خان نے اپنے ایک بیان میں کہا کہ پاکستان میں بجلی بنانے کے لئے بہت استعداد ہیں۔

وزیراعظم نے کہا کہ ہمارے پاس 50 ہزار میگاواٹ پانی سے بجلی بنانے کی استعداد ہے۔

عمران خان نے یہ بھی کہا کہ پانی کی سطح نیچے جانے پر لاہور میں راوی سٹی لیک بنا رہے ہیں۔

انہوں نے کہا کہ پانی پر مافیا اربوں روپیہ کما رہی ہے جبکہ کراچی میں ٹینکرز مافیا بھی بنی ہوئی ہیں۔

وزیراعظم کا کہنا تھا کہ ماضی کے معاہدوں کی وجہ سے بجلی مہنگی ہوئی ہے جس لاگت پر بجلی بن رہی ہے ،اس پر بجلی فروخت نہیں کر سکتے۔

عمران خان نے کہا کہ تھوڑی سی بجلی کی قیمت میں اضافہ کرتے ہیں تو لوگ شور مچا دیتے ہیں۔

انہوں نے یہ بھی کہا کہ فوڈ سیکیورٹی پاکستان کے لئے زیادہ ضروری ہے، اگر ہم نے 2 یا 4 سال میں کچھ نہیں کیا تو اور مسائل سامنے آئیں گے۔

وزیراعظم کا کہنا تھا کہ 2028 تک 10 بڑے پانی کے پراجیکٹ مکمل ہو جائیں گے جبکہ 2023 تک گردشی قرضہ 1455 ارب روپے پر پہنچ جائے گا۔

انہوں نے کہا کہ مہنگے منصوبوں سے بجلی خریدیں یا نہ خریدیں، ادائیگی کرنا پڑتی ہے۔

وزیر اعظم عمران خان کا مزید کہنا تھا کہ آئی پی پیز کے ساتھ نئے معاہدے کر کے کافی بچت کی ہے۔


Double Click 970 x 90

[ad_2]

Source link

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

BFT News © 2022 Frontier Theme