انڈونیشیا میں زلزلہ: ایک شخص ہلاک، متعدد عمارتیں منہدم

[ad_1]

ہفتے کے روز انڈونیشیا کے جاوا جزیرے اور دیگر شہروں میں  زلزلے سے ایک شخص ہلاک اور متعدد عمارتوں کو نقصان پہنچا ہے۔

انڈونیشیا کے جیو فزکس ایجنسی بی ایم کے جی نے بتایا ہے کہ  ریکٹر اسکیل پر زلزلے کی شدت 5.9 ریکارڈ کی گئی۔ زلزلے کا مرکز مشرقی جاوا کے جنوبی ساحل سے 91 کلومیٹر بحر ہند میں تھا۔

انڈونیشیا کے ذرائع ابلاغ کے مطابق زلزلے کے جھٹکے مشرقی جاوا اور قریبی صوبوں کے شہروں بشمول جزیرہ بالی اور قصبوں میں بھی محسوس کیے گئے۔

زلزلے سے لومجنگ میں گرتے ہوئے پتھر کی زد میں آکر ایک شخص  جاں بحق ہوگیا۔

انڈونیشیا کے جیو فزکس ایجنسی بی ایم کے جی نے بتایا کہ زلزلے کے بعد متعدد بار جھٹکے محسوس کیے گئے ہیں تاہم سونامی کا کوئی خطرہ نہیں ہے۔

مزید پڑھیں: انڈونیشیا میں تیسرا بڑا زلزلہ، 120 آفٹر شاکس

ابتدائی اطلاعات کے مطابق زلزلے سے پارلیمانی عمارتیں، ایک اسکول ، ایک اسپتال اور متعدد شہروں میں مکانات کو نقصان پہنچا ہے۔ زلزلے سے بتو شہر کے ایک تفریحی پارک میں ایک گوریلے کے ایک بڑے مجسمے کا سر اکھڑ گیا۔

انڈونیشیا کی ڈیزاسٹر ایجنسی نے بتایا ہے کہ حکام ابھی نقصان کا جائزہ لے رہے ہیں۔

سوشل میڈیا صارفین کے ذریعے زلزلے کی شیئر کی گئی ای ویڈیو میں ملنگ شہر کے ایک شاپنگ مال سے لوگوں کو باہر بھاگتے ہوئے دیکھا جاسکتا ہے۔

[ad_2]

Source link

Updated: اپریل 11, 2021 — 2:16 صبح

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

BFT News © 2022 Frontier Theme