خوشاب ضمنی انتخاب، الیکشن کمیشن نے انتظامات کو حتمی شکل دیدی

[ad_1]

الیکشن کمیشن کی جانب سے خوشاب سے پنجاب اسمبلی کے حلقہ پی پی 84 پر 5 مئی کو ہونے والے ضمنی انتخاب کے لیے انتظامات مکمل کر لیے گئے ہیں۔

تفصیلات کے مطابق پی پی 84 خوشاب میں 8 امیدواروں کے درمیان مقابلہ ہوگا۔

پی پی 84 پر مقابلے کیلئے پی ٹی آئی کے علی حسین خان، ن لیگ کے ملک معظم کلو اور پیپلز پارٹی کے غلام حبیب احمد میدان میں ہیں۔

اس کے علاوہ امجد رضا، اورنگزیب، عمران حیدر خان، الیاس خان آزاد اور کالعدم جماعت کے اصغرعلی بھی میدان میں ہیں۔

الیکشن کمیشن کے مطابق حلقہ پی پی 84 تحصیل نورپور تھل، قائد آباد اور خوشاب کے علاقوں پر مشتمل ہے جس میں رجسٹرڈ ووٹرز کی کل تعداد 2 لاکھ 92 ہزار687 ہے۔

الیکشن کمیشن کے مطابق حلقے کے 229 پولنگ اسٹیشنز میں سے 43 کو حساس قرار دیا گیا ہے جبکہ انتخاب والے روز امن و امان قائم رکھنے کے لیے 500 رینجرز اور 2800 پولیس اہلکار تعینات کیے جائیں گے۔

الیکشن کمیشن حکام کا کہناہے کہ حلقے میں حساس پولنگ اسٹیشنز پر سی سی ٹی وی کیمرے نصب کیے ہیں جبکہ پریزائیڈنگ افسران کے ساتھ پولیس اور رینجرز کی نفری بھی تعینات کی گئی ہے۔

خیال رہے کہ حلقہ پی پی 84 کی نشست ن لیگ کے ملک وارث کلو کے انتقال کے باعث خالی ہوئی تھی۔

[ad_2]

Source link

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

BFT News © 2022 Frontier Theme