حکومت ہر شعبے میں بری طرح ناکام ہوچکی ہے، شہازشریف – بول نیوز

[ad_1]

قومی اسمبلی میں قائد حزب اختلاف شہباز شریف نے کہا ہے کہ حکومت ہر شعبے میں بری طرح ناکام ہوچکی ہے۔

تفصیلات کے مطابق قومی اسمبلی میں قائد حزب اختلاف شہباز شریف کی جانب سے اپوزیشن جماعتوں کے پارلیمانی رہنماؤں کے اعزاز میں عشائیہ دیا گیا، جس میں اپوزیشن جماعتوں نے بجٹ میں حکومت کو ٹف ٹائم دینے پر اتفاق کیا۔

ذرائع کے مطابق عشائیے میں شہبازشریف نے پی پی،اےاین پی کو پی ڈی ایم میں دوبارہ شمولیت کی دعوت دی جس پر دونوں جماعتوں نے حتمی جواب کے لئے شہباز شریف سے وقت مانگ لیا۔

قومی اسمبلی میں قائد حزب اختلاف شہباز شریف نے عشائیہ سے خطاب کرتے ہوئے کہا کہ حکومت احتساب کےنام پرسیاسی انتقام لے رہی ہے۔

شہباز شریف نے یہ بھی کہا کہ ملک کی معاشی واقتصادی صورتحال اچھی نہیں، ملکی مفاد کی خاطر موجودہ حکومت کے خلاف ملکر چلنا ضروری ہے۔

قومی اسمبلی میں قائد حزب اختلاف شہباز شریف نے مزید کہا کہ بجٹ سیشن میں حکومت کوٹف ٹائم دیاجانا چاہیے، بجٹ میں عوام کو بہت زیادہ مشکلات کاسامنا کرنا ہوگا۔

اس موقع پر پاکستان پیپلز پارٹی (پی پی پی) کے سینیٹر اور سابق وزیراعظم یوسف رضا گیلانی نے کہا کہ اپوزیشن کو حکومتی ناکامیوں کواجاگر کرناچاہیے، موجودہ حکومت کو گھر بھیجنےکیلئے اپوزیشن ایک ہو۔

عشائیے میں پاکستان پیپلز پارٹی (پی پی پی) کے سینیٹر اور سابق وزیراعظم یوسف رضا گیلانی، راجا پرویز اشرف، شیری رحمان شریک ہوئیں جبکہ اپوزیشن لیڈر کے عشائیے میں امیر حیدر ہوتی، مولانا اسعد محمود، علامہ ساجد میر، محسن داوڑ اور دیگر رہنما بھی شریک ہوئے۔


Double Click 970 x 90

[ad_2]

Source link

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

BFT News © 2022 Frontier Theme