شیر دھاڑے گا، اب مستقبل آپ کا ہے، مریم نواز

[ad_1]

پاکستان مسلم لیگ ن کی نائب صدر مریم نواز نے این اے 75 کے انتخابی معرکے میں جیت پر خوشی کا اظہار کرتے ہوئے کہا ہے کہ ڈسکہ کے غیور اور بہادر عوام شاباشی کے مستحق ہیں۔

مریم نواز نے ٹویٹ کرتے ہوئے ڈسکہ کے عوام سے مخاطب ہوتے ہوئے کہا کہ تم نے آج ایک بار پھر “ووٹ کو عزت دو” کی جنگ جیت لی ہے اور ساری دنیا پر واضح کر دیا ہے کہ کس طرح 19 فروری کو کٹھ پتلی وزیراعظم کی نگرانی میں ووٹ کی عزت پر ڈاکہ ڈالنے کی کوشش کی گئی۔

مریم نواز نے حکومتی جماعت پر تنقید کرتے ہوئے کہا کہ “سن لوعوام کیا کہہ رہے ہیں،غربت، مہنگائی اور بے روزگاری کے ستائے ہوئےعوام سے تمہیں کوئی نہیں بچا سکتا، ڈرو اپنے انجام سے”۔

ن لیگ کی نائب صدر کا مزید کہناتھا کہ نواز شریف کا بیانیہ جیت گیاہے، جب بھی منصفانہ الیکشن ہونگے،جیت شیرکی ہی ہوگی۔

انہوں نے کہا کہ نواز شریف کی سیاست ختم کرنے والے یاد رکھیں کہ نواز شریف ایک نظریےکا نام ہے جو عوام کے دلوں میں گھر کر چکا ہے۔

مریم نواز کا کہنا تھا کہ اس جعلی حکومت کے دن گنے جاچکے ہیں، وہ دن دور نہیں جب اس ملک میں جعلسازوں کی نہیں بلکہ عوام کی حکمرانی ہوگی، جہاں جہاں ووٹ پڑے گا وہاں نوازشریف ہی جیتے گا، شیر دھاڑے گا، اب مستقبل آپکا ہے۔

اپنے ٹویٹ میں مریم نواز نے مزید کہا کہ عوام نے فیصلہ کرلیا ہے کہ اب ووٹ چوروں کا ڈٹ کر مقابلہ کریں گے، سرکاری وسائل کے بے دریغ استعمال اور منفی ہتھکنڈوں کے باوجود جیت ووٹ کی اور عوام کی ہوئی ہے۔

[ad_2]

Source link

Updated: اپریل 10, 2021 — 11:27 شام

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

BFT News © 2022 Frontier Theme