وزیراعلیٰ پنجاب آج بلوچستان کے علاقے درگ کا دورہ کریں گے

[ad_1]

وزیراعلیٰ پنجاب سردار عثمان بزدار آج بلوچستان کے علاقے درگ کا دورہ کریں گے۔

تفصیلات کے مطابق وزیراعلیٰ پنجاب آج تونسہ اور کوہ سلیمان تحصیلوں کا بھی دورہ کریں گے۔

وزیراعلیٰ عثمان بزدار درگ میں وفاقی سیکرٹری مذہبی امور سردار اعجاز خان جعفر کی رہائش گاہ پر جائیں گے اور ان کی والدہ کے انتقال پر تعزیت کا اظہار کریں گے۔

وزیراعلیٰ عثمان بزدار پنجاب حکومت کی جانب سے بلوچستان حکومت کو اسکول بس اور ریسکیو 1122 ایمبولینس کا تحفہ دیں گے۔

دورے کے دوران وزیراعلیٰ عثمان بزدار اسکول بس اور ریسکیو 1122 ایمبولینس بلوچستان کی حکومت کے حوالے کریں گے۔

وزیراعلیٰ عثمان بزدار تونسہ اور کوہ سلیمان کی تحصیلوں میں اربوں روپے کے منصوبوں کا افتتاح کریں گے اور فلاح عامہ کے نئے منصوبوں کا سنگ بنیاد رکھیں گے۔

اس کے علاوہ عثمان بزدار معززین علاقہ سے ملاقات بھی کریں گے،وزیراعلیٰ درگ سے ڈیرہ غازی خان کے قبائلی علاقے پھگلہ جائیں گے جہاں وہ ترقیاتی منصوبوں کا افتتاح کریں گے۔

دورے کے دوران وزیراعلیٰ عثمان بزدار کو میپکو کی جانب سے بجلی کی فراہمی کے کام میں پیش رفت کے بارے میں بریفنگ دی جائے گی، عثمان بزدار پھگلہ سے وہوا جائیں گے۔

وزیراعلیٰ عثمان بزدار وہوا میں ریکارڈ مدت میں مکمل ہونے والے ترقیاتی منصوبوں کا افتتاح کریں گے۔

اس کے بعد وازیراعلیٰ تونسہ کیلئے روانہ ہوں گے، تونسہ میں وہ  اربوں روپے کے ترقیاتی منصوبوں کا افتتاح کریں گے جبکہ نئے منصوبوں کا سنگ بنیاد رکھیں گے۔

[ad_2]

Source link

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

BFT News © 2022 Frontier Theme