اڑتے ہوئے جہاز کا دروازہ کھولنے کی کوشش، جانیں کیسے ائیرہوسٹس نے 89 مسافروں کی جان بچائی؟

بھارتی ریاست اتر پردیش میں انتہائی حیران کن واقعہ اس وقت پیش آیا جب ایک مسافر نے دوران پرواز جہاز کا ایمرجنسی دروازہ کھولنے کی کوشش کی لیکن ائیر ہوسٹس نے اس شخص کا ارادہ بھانپ کر فوری طور پر اسے دبوچا اور زور زور سے چلانے لگی۔

بین الاقوامی خبر رساں ادارے کے مطابق اتر پردیش کے شہر بنارس میں اڑتے ہوئے طیارے میں ایک آدمی اپنی سیٹ سے اٹھا اور ایمرجنسی دروازہ کھولنے کی کوشش کرنے لگا۔ ائیرہوسٹس نے بہادری اور حاضر دماغی کا مظاہرہ کرتے ہوئے اس پر قابو پا لیا اور دیگر عملے کو مدد کے لیے پکارتی رہی۔

تاہم عملے نے مذکورہ مسافر کو زبردستی سیٹ پر بٹھا کر بیلٹ سے باندھ دیا اور جہاز کے کپتان کو اطلاع دی جس نے کنٹرول ٹاور سے ہنگامی لینڈنگ کی اجازت اور ائیرپورٹ سیکیورٹی کی مدد طلب کی۔

طیارے کی لینڈنگ کے بعد سیکیورٹی نے مسافر کو حراست میں لے کر تھانے منتقل کر دیا جس کے بعد تفتیش کا سلسلہ جاری ہے۔

دوسری جانب مسافروں نے طیارے میں موجود 89 لوگوں کی جان بچانے والی ائیرہوسٹس کی حاضر دماغی اور بہادری کو سراہا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

BFT News © 2022 Frontier Theme